Stuhia shkakton probleme në Portin e Durrësit, anijes “Francesca” i këputen litarët e ankorimit

Stuhia e fuqishme që ka përfshirë vendin gjatë ditës së sotme ka shkaktuar probleme edhe në Portin e Durrësit. Për shkak të erës së fortë, anijes tregtare “Francesca” iu këputën litarët me të cilët ishte e ankoruar.

Në pamjet e siguruara shihet momenti kur litarët këputen dhe anija lëviz nga pozicioni i saj në port, duke krijuar situatë alarmante. Autoritetet portuale kanë ndërhyrë menjëherë për të marrë nën kontroll situatën.

Fatmirësisht, deri më tani nuk raportohet për dëme materiale apo persona të lënduar nga ky incident.